زه څنګه د حقوقي درغلۍ څخه ځان وساتم؟
دا خبرې واورئ. متن ډاونلوډ کړئ
سعید د یو وکیل په لټه کې دی چې د متحده ایالاتو د کډوالۍ د سیسټم په اړه ورسره مرسته وکړي. هغه په انګلیسي ژبه ښې خبرې نشي کولی ، او هغه ډاډه نه دی چې په چا باور وکړي. سعید په متحده ایالاتو کې د هغو افغانانو په اړه اوریدلي چې بدې مشورې یې ترلاسه کړي دي یا د «فریبکارانو یا چلبازانو» ښکار شوی. دا د دوي د کډوالۍ په قضیه کې ستونزې او ځنډونه رامینځته کړې دي او پیسې یې هم مصرف کړي دي. راځئ وګورو چې سعید څنګه کولای شي ځان له حقوقي درغلیو او ناوړه مشورو څخه وساتې.
زه پوهیږم چې د مهاجرت د قضیې یا کیس د پاره یو وکیل ته اړتیا لرم، خو زه د درغلیو او ناسمه مشورو تر لاسه کولو په اړه اندیښنه لرم چې د پیسو د مصرف لامل شي او یا هم زما قضیې ته زیان ورسوي.
سلام، سعيد. ستاسو دا اندیښنه پر ځای ده چې د حقوقي مرستې په لټه کې باید د احتیاط څخه کار واخیستل شي. له بده مرغه، داسې متقلب خلک شته چې ځان د وکیل په توګه معرفي کوي تر څو د افغان مهاجرینو څخه ناوړه کټه پورته کړي، معمولاً د پیسو لپاره.
زه څنګه کولای شم د یو اصلي وکیل او د "جعلي وکیلانو" ترمنځ توپیر وکړم؟
ښه، ښه خبر دا ده که چیری تاسو وپوهیږئ چې کوم شیانو ته متوجه واوسئ، دوی په اسانۍ سره پیژندلای شئ. د مثال په توګه، هر هغه څه چې ناممکن ښکاري یا داسې یو ژمنه چې د منلو وړ نه وي، نو کیدای شي درغلي وي.
هو، ما په دې اړه اورېدلي دي: زما د يو افغان ملګري سره یو کس په اړیکه کې شو او ورته وویل چې په لسو ورځو کې به د متحده ایالاتو تابعيت ورته واخلي. خو دا بیخي ناممکه ده، که څنګه؟
بلکل! دا یو ښه بیلګه ده، ځکه چې دا خورا د واقعیت څخه لرې ښکاري. او دا موږ بلې ټکي ته هم متوجه کوي هغه دا چې: که څوک ستاسو د قضیې د پایلې تضمین کوي یا تاسو ته وایې چې ستاسو د قضیې په هکله به څومره وخت کې فیصله کیږي ، نو پوه شئ چې دا د خطر او خبردارۍ نښه ده. اصلي وکیلان نشي کولای چې د طی مراحل د وخت یا د قضیې د پایلو په اړه اټکل یا ژمنې وکړي.
نور داسي څه شته چې باید په پام کې ونیسم؟
زما یوه بله ورستۍ مشوره دا ده چې محتاط واوسئ که کوم څوک تاسو ته د کوم احسان/شیرنی په بدل کې حقوقي خدمات وړاندېز کوي. د مهاجرت حقوقي وکیلان به هیڅکله د خپلو خدماتو او پایلو په بدل کې احسان/شیرني، رشوت،او یا ظالمانه فیس ونه غواړي. کله چې یو وکیل خپل حقوقي خدمات ستاسو د قضیې د مخته وړلو لپاره تر سره کوي نو پیسې د تادیې یوازینۍ قانوني طریقه ده، او تاسو باید تل د مصارفو اندازه یا فیس په اړه د یوې داسې ادارې یا هغه چا سره چې تاسو باور پرې لرئ،ځان مطمين کړئ. د باور وړ د حقوقي خدماتو وړاندې کوونکو په اړه نور معلومات د متحده ایالاتو د تابعیت او کډوالۍ د خدماتو ادارې (USCIS) په ویب پاڼه کې موندلای شئ.
مننه، علي. د جعلي وکیل د پیژندلو د نښو په اړه زه پوه شوم. آیا داسې نور څه شته چې په تر سره کولو سره یې زه ځان خوندي کړم؟
بلکل، سعیده. یو شی چې تاسو یې د ځان د خوندي ساتلو لپاره باید په پام کې ونیسئ هغه د وکیل څخه ډیرې پوښتنې کول دی.
آيا د ډېرو پوښتنو په کولو سره به زما وکيل به خوابدې نشي او یا هم دا وښایې چې زه پرې باور نه لرم؟
که څه هم ستاسو دا اندېښنه د درک وړ ده، خو زه تاسو ته دا ډاډ درکوم چې هیڅ مشروع وکیل به ستاسو په ډیرو پوښتونو خوابدې نه شي. دوی به ستاسو وضعیت درک کړي او په خوښۍ سره به پوښتونو ته ځوابونه ووايي تر څو تاسو ته دا ډاډ در کړي چې تاسو پر هغوی باور وکړئ.
هغوی دا کار څنګه کوي؟
یو مشروع وکیل به ستاسو پوښتنو ته په خوښۍ او پرته له کوم ځنډه ځواب درکړي. نو کله چې هغوی ستاسو سره اړیکه نیسي نو تاسو باید پوښتنه وکړئ چې: «تاسو ولې زما سره اړیکه نیولې » او دا ومومئ چې دوی څنګه ستاسو د اړیکي (تماس) معلومات موندلي دي.
زه داسي افغان ملګري لرم چې د انټرنیټ څخه په استفادې دا معلوموي چې یو څوک په ریښتیا هم هغه کس دی چې ادعا کوي.
یقیناً دا یو ډېر ځیرک کار دی. په حقیقت کې ټول مشروع وکیلان باید په ګوګل کې وموندل شي ، د دوی نومونه او د اړیکو معلومات په انټرنیټ کې لیست شوي دي. تاسو ممکن د دوی څخه د دولتي جواز دلیدو غوښتنه هم وکړئ ، کوم چې ځینې وختونه د «بار کارت» په نوم هم یادیږي. تل د یو احتمالي وکیل څخه پوښتنه وکړئ چې «زه څنګه بیرته له تاسو سره اړیکه ونیسم؟» وکیلان باید خپلو مراجعینو ته د لاسرسي وړ وي او د هغوی سره اړیکه نیول باید ستونزمن کار نه وي.
که زما او یا هم داسې یو کس سره چې زه یې پيژنم، د دغه ډول یو جعلي وکیل له خوا اړیکه ونیول شي، باید څه وکړم؟
د متحده ایالاتو د سوداګرۍ فدرالي کمېسیون (The U.S. Federal Trade Commission) یوه ویب پاڼه لري چې د لارې یې د یوې ساده انټرنیټي فورمې په ډګولو سره دغه ډول درغلۍ راپور کیدلای شي. دوی د درغلیو څخه د ځان د خوندي ساتلو د لارو چارو په اړه ښه مشورې هم لري.
ټولې ناسمې حقوقي مشورې یوازي د جعلي وکیلانو له لورې نه وي
کله ناکله ستاسې یو ملګری یا کوم خپلوان ممکن وغواړي تاسو ته د خپلې قضیې د ورته تجربې پر بنسټ مشوره در کړي. دا کسان په صادقانه توګه هڅه کوي چې ستاسو سره مرسته وکړي. خو د هغه د مهاجرت د وضعیت او غوښتنلیکونو د ټولو جزیاتو په اړه د معلوماتو د تر لاسه کولو پرته، تاسو نشې کولای چې پوه شئ چې آیا تاسو باید د هغه لاره تعقیب کړی او که نه. ډیر څه په دې پورې اړه لري چې ستاسو د کډوالۍ وضعیت څه دی یا کوم غوښتنلیکونه مو سپارلي دي. او ډیری پریکړې هغې قضیې ته په کتو ترسره کیږي. حتی ستاسو ملګري یا خپلوان چې نیک نظر او نیت لري، کولای شي په اشتباهی ډول ناسمه مشوره درکړي چې کولای شي ستاسو قضیه زیانمنه کړي او یا یې و ځنډوي.
له همدې امله دا مهمه ده چې هغه مشروع د حقوقي خدماتو وړاندي کوونکي سازمانونه و مومئ چې د حکومتي ادارو لخوا تمویل شوي دي، او د افغانانو لپاره په اوسني قوانیونو پوه دي.
سرچینې
ایلسا ته بریښنالیک واستوئ : ILSAAinfo@icf.com
د کډوالۍ ایالتي همغږي کونکي: د ایالتي ادارې اړینې اړیکې | د ماشومانو او کورنیو اداره (hhs.gov)
:د فدرالي سوداګرۍ کمیسیون درغلي راپور کړئ
د متحده ایالاتو د تابعیت او کډوالۍ د خدماتو اداره (USCIS): حقوقي خدمات ومومئ
