تاسې کولای شئ د متحده ایالاتو د تابعیت او کډوالۍ د خدماتو ادارې (USCIS) سره د پوست له لارې یا هم په آنلاین ډول د لنډمهاله حفاظت شوي وضعیت (TPS) غوښتنلیک یا (I-821) فورمه و سپارئ.

که تاسو غواړئ په متحده ایالاتو کې د کار د جواز لپاره غوښتنه وکړئ، نو د کار د جواز غوښتنلیک یا (I-765) فورمه هم ور سره ضمیمه کړئ. که تاسو داسي یو افغان یاست چې په دې وروستیو کې په افغانستان کې د بشري ناورین له امله متحده ایالاتو د پرول وضعیت له لارې راغلي یاست، تاسو اړتیا نلرئ د دې فورمې فیس ورکړئ.

تاسو کولای شئ د ۲۰۲۵ کال د می تر ۲۰مې پورې چې د اعتبار د نېټې پای دی، غوښتنه وکړئ. که تاسې د لنډمهاله حفاظت شوي وضعیت (TPS) پر شرایطو برابر یاست، کولای شئ چې اوس غوښتنه وکړئ. څومره ژر چې تاسو غوښتنه وکړئ همغومره ژر به تاسو د خپل لڼدمهاله حفاظت شوي وضعیت (TPS) په اړه پریکړه ترلاسه کړئ.

علي: د لومړي ځل لپاره لنډمهاله حفاظت شوي وضعیت (TPS) ته غوښتنه کول ۵۰ امریکایي ډالره فیس لري. د ۱۴ کلونو څخه د ډیر عمر لرونکو کسانو لپاره د ګوتو د چاپ (بایومټریک) د اخیستلو اضافي ۸۵ ډالره فیس دی. که تاسو د فیس ورکولو توان نلرئ، د فیس معافیت (fee waiver) په نوم مالي مرسته شتون لري. که تاسو د فیس په معلومولو کې مرستې ته اړتیا لرئ، د مرستې لپاره د متحده ایالاتو د تابعیت او کډوالۍ د خدماتو ادارې (USCIS) د فیس محاسبې وسیله (USCIS Fee Calculator) وکاروئ.

د بیا نوملیکنې وروستۍ نېټه د ۲۰۲۳ کال نومبر د میاشتې ۲۴مه وه.‌ د وروستۍ نیټې پای ته د رسېدو څخه وروسته د بیا نوملیکنې لپاره ستاسو خور باید د خپل حقوقي خدماتو د وړاندي کوونکي څخه مرسته تر لاسه کړي.