د ایلسا (ILSAA) په اړه

د نویو راغلو افغانانو لپاره د کډوالۍ حقوقي خدماتو پروژه - ایلسا (ILSAA) د ۲۰۲۲ کال د ډیسمبر په میاشت کې هغه مهال پیل شوه کله چې د کډوالو د بیا میشتیدنې دفتر (ORR) نږدې ۳۵ میلیونه ډالر د کډوالو او مهاجرینو لپاره د متحده ایالاتو کمیټې(USCRI) ته په واک کې ورکړل ترڅو هغو افغانانو ته چې د بشري خواخوږۍ له مخې موقته پناه (پرول وضعیت) ورکړل شوې، په مستقیم ډول حقوقي خدمات ورته وړاندې کړي.

له هغه وخت راهیسې، ایلسا – (ILSAA) :

• ایلسا – (ILSAA) له ۵۰۰۰ څخه زیاتو اصلي افغان مراجعینو او د هغوی کورنیو ته د کډوالۍ وړیا حقوقي خدمات وړاندې کړي دي. په ټوله کې، ایلسا – (ILSAA) له ۱۰,۰۰۰ څخه زیاتو افغانانو سره مرسته کړې ترڅو د متحده ایالاتو د کډوالۍ پیچلي سیستم کې د حقوقي استازیتوب ترلاسه کولو له لارې خپل مسیر ومومي.
• افغانانو سره د پناه غوښتنې (Asylum)، دایمي استوګنې یعني ګرین کارت، د کورنۍ سره د بیا یوځای کیدو، او نورو قضیو په ثبتولو کې مرسته کړې ده.
• په متحده ایالاتو کې یې د حقوقي خدماتو وړاندې کوونکو شبکو وړتیاوې پراخې کړې دي، او وکیلانو سره یې د مسلکي مهارتونو او پوهې لوړولو برخه کې ملاتړ کړی. همدارنګه، د کډوالۍ په چټک بدلون موندونکي قانون کې یې غوره کړنې او پر وخت معلومات له هغوې سره شریک کړي دي.

ایلسا – (ILSAA) ته دغه دولتي بودیجه د یو محدود وخت لپاره د لاس رسې وړ ده ، او مونږ نشو کولای نور مراجعین ومنو. خو بیا هم، مونږ ژمن یو چې خپلو اوسنیو مراجعینو ته حقوقي خدمات وړاندې کړو او د ټولو افغان کډوالو لپاره په انګلیسي، دري او پښتو ژبو ګټورې معلوماتي سرچینې او معلومات شریک کړو.

که څه هم ایلسا – (ILSAA) نور نوي مراجعین نه مني، خو مونږ به لا هم د افغان کډوالو ټولنو او د کډوالۍ حقوقي خدماتو وړاندې کوونکو سره د ګټورو معلوماتو او سرچینو وړاندې کولو ته دوام ورکړو.