د سفر جدول: ایا زه کولی شم د متحده ایالاتو څخه بهر سفر وکړم پداسې حال کې چې ما مهاجرتي وضعیت ته غوښتنه کړی وي یا ما د مهاجرتي وضعیت تاییدي ترلاسه کړی وي؟
| د وضعیت ډول | د غوښتنلیک وضعیت | زه باید په څه پوه شم؟ |
|---|---|---|
| پرول (Parole) | د پرول وضعیت لرونکی شخص (Parolee) | عموماً، که یو پرولي (د پرول وضعیت لرونکی شخص) د متحده ایالاتو څخه ووځي ، د هغه کس پرول به همغه وخت پای ته ورسیږي کله چې دوي ولاړ شي. که یو پرولي غواړي له متحده ایالاتو څخه بهر سفر وکړي، هغه شخص باید د سفر سند (advance parole*;Form I-131) لپاره غوښتنه وکړي، او دغه ادوانس پرول سند د متحده ایالاتو د پرېښودو د مخه ترلاسه کړي. دا پروسه معمولاً څو میاشتې وخت نیسي. په هرصورت، حتی که چیرې هغه شخص ته اډوانس پرول ورکړل شي، حتی د لنډې مودې لپاره د متحده ایالاتو پریښودل، کولی شي د هغه شخص پر وړتیا دنورو لنډمهاله او دایمي د مرستو ، په شمول د لنډمهاله خوندي حالت (TPS) او پناه غوښتنې (اسایلم) باندې اغیزه وکړي. که چېرته تاسو د پرول پر بنسټ د کار جواز (EAD) ولرئ، متحده ایالاتو ته په راوګرځیدو په هغه صورت کې چې مو د یاد سند تاریخ تیر شوی نه وي تاسو شاید کار کولو ته دوام ورکړی شئ. که چېرته د کار جواز (EAD) نلرئ او یا مو د کار جواز تاریخ تیر وي، تاسو باید د متحده ایالاتو ته د راستنیدو سره د کار جواز (EAD) د اډوانس پرول په بنیاد غوښتنه وکړئ. که تاسو په دې اړه پوښتنې لرئ چې سفر څنګه ستاسو په اوسني یا راتلونکي کې د کډوالۍ په وضعیت اغېزه کولی شي، د مهاجرت یو وکیل سره مشوره وکړئ. |
| د لنډ مهاله حفاظت شوی حالت (TPS) | ناڅرګند (د بررسۍ په حال کې) لنډ مهاله حفاظت شوی حالت-(TPS) | عموماً، د متحده ایالاتو څخه بهر سفر کولو لپاره د لنډمهاله حفاظت شوي وضعیت د (TPS) غوښتونکی باید د سفر سند ( advance parole*;Form I-131) لپاره غوښتنه وکړي او د وتلو څخه مخکې اډوانس پرول ترلاسه کړي. دا پروسه معمولاً څو میاشتې وخت نیسي. په هرصورت، حتی که چیرې یو کس ته اډوانس پرول ورکړل شي،حتی د لنډې مودې لپاره د متحده ایالاتو پریښودل، ، کولی شي د هغه شخص پر وړتیا د نورو لنډمهاله او دایمي مرستو لپاره، په شمول د لڼدمهاله خوندي وضعیت (TPS) او پناه غوښتنې باندې اغیزه وکړي. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کې د کډوالۍ په وضعیت اغیزه کولی شي، د مهاجرت یو وکیل سره مشوره وکړئ. |
| منل شوي لنډ مهاله حفاظت شوی حالت (TPS) | عموماً، د متحده ایالاتو څخه بهر سفر کولو لپاره، د لنډمهال حفاظت شوی وضعیت (TPS) ګټه اخیستونکی باید د سفر جواز فورم( I-131) لپاره غوښتنه وکړي، او د I-512T فورمه ترلاسه کړي. دا د سفر اجازه نامه د هغه غیر اتباعو لپاره ده چې مخکې له دې چې متحده ایالتو څخه وو ځي باید یاد شوی سند تر لاسه کړي. د لنډمهاله محفاظت شوي وضعیت (TPS) د سفر سند د هغه کس پاسپورټ عوض نه شي کیدای، مګر دا د ثبوت په توګه منل کیدی شي چې دا شخص د ویزې د اړتیا پرته متحده ایالاتو ته د سفر اجازه لري. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ | |
| ځانګړې د مهاجرت وېزه (SIV) | ناڅرګنده (د بررسۍ په حال کې) ځانګړې د مهاجرت وېزه (SIV) غوښتنلیک | عموماً، د متحده ایالاتو څخه بهر سفر کولو لپاره یو شخص باید د سفر سند (advance parole*;Form I-131) لپاره غوښتنه وکړي. او د وتلو څخه مخکې اډوانس پرول سند ترلاسه کړي. دا پروسه معمولاً څو میاشتې وخت نیسي. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ. |
| منل شوې ځانګړې د مهاجرت وېزه (SIV) (مګر ګرین کارت يې نه دی ترلاسه کړی) | عموماً، د متحده ایالاتو څخه بهر سفر کولو لپاره یو شخص باید د سفر سند (advance parole*;Form I-131) لپاره غوښتنه وکړي او او د وتلو څخه مخکې ادوانس پرول سند تر لاسه کړي دا پروسه معمولا څو میاشتې وخت نیسي. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ. | |
| منل شوې ځانګړې د مهاجرت وېزه (SIV) (د ګرین کارت سره) |
عموماً، وروسته له دې چې یو کس د خپل قانوني دایمي اقامې ثبوت ترلاسه کړي (چې د ګرین کارت په نوم هم پیژندل کیږي)، دوي ممکن د متحده ایالاتو څخه بهر سفر وکړي. سره له دې، تاسو باید دا فکتورونه په پام کې ونیسئ:
|
|
| پناه غوښتنه یا اسایلم | ناڅرګنده (د بررسۍ په حال کې) پناه غوښتنې غوښتنلیک |
په عمومي ډول، د پناه غوښتنې غوښتونکي باید خپل هیواد ته چیرته چې دی د ځورول کیږي ه سفر و نه کړي ځکه ممکن دا داوطلبانه خپل هیواد ته بیرته ستنیدل وګڼل شي، پدې معنی چې هغه شخص ممکن د پناه غوښتنې وړ نه وي. عموماً، بل ځای ته د سفر کولو لپاره یو پناه غوښتونکی باید د اډوانس پرول* (فورم I-131) لپاره غوښتنه وکړي او د وتلو څخه مخکې اډوانس پرول ترلاسه کړي که نه نو د هغه کس د پناه غوښتنې غوښتنلیک (اسیلم) به پریښودل شوي وګڼل شي. برسیره پردې، دا ډیره مهمه ده چې د سفر اسنادو (د بیلګې په توګه، پاسپورتونه) کوم چې د ځورونې هیواد لخوا صادر شوي وي د سفر کولو لپاره ورڅخه ډډه وشي، کوم چې کیدای شي داوطلبانه خپل هیواد ته ستنیدل و ګڼل شي. برسېره پردې، د پناه غوښتنې غوښتونکي چې دحذف په مرحلو کې وی نشي کولی د وتلو وروسته متحده ایالاتو ته د بیا ځل لپاره داخل شي. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ. |
| تائید شوی پناه غوښتنه یا اسایلم ( دپناغوښتنی پر بنسټ څرګند یا ناڅرګند غوښتنلیک د ګرین کارت لپاره) |
په عمومي ډول، پناه غوښتونکي (هغه څوک چې پناه ورکړل شوې وي) باید خپل هیواد ته چیرته چی دی ځورول کیږي. سفر ونه کړي ځکه چې دا ډول سفر ممکن د متحده ایالاتو د حکومت لپاره د هغه کس د پناه غوښتنې وضعیت پای ته رسولو لپاره اساس وګڼل شي. همدارنګه، د پناه غوښتونکي د حالت د لومړي کال په جریان کې له متحده ایالاتو څخه بهر سفر د دې سبب کېدلئ شي چې په متحده ایالاتو کې د فزیکي شتون د یو کال د پوره کېدو په مقابل کې ځنډ راپېښ کړي کوم چې د وضعیت د سمون لپاره اړین دی او کولی شي د قانوني دایمي اقامې لپاره د پناه غوښتونکي پروسه وځنډوي. بل چیرې د سفر کولو لپاره، یو پناه غوښتونکی باید د متحده ایالاتو څخه د وتلو دمخه د مهاجرت د سفر سند فورم (I-131) لپاره غوښتنه وکړي. پناه غوښتونکی باید یوازې د مهاجرت د سفر سند په کارولو سره سفر وکړي او د دوی د ځورونې هیواد څخه د اسنادو (پاسپورټونو په ګډون) سفر ونه کړي. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت د یو وکیل سره مشوره وکړئ |
|
| د پناه غوښتنی(اسایلم) په اساس تایید شوی ګرین کارټ |
په عمومي ډول، قانوني دایمي اوسیدونکي چې د خپل پناه غوښتونکي حالت پر اساس یې ګرین کارت ترلاسه کړئ وي دوي باید پوه شي چې د دوي سفر خپل هیواد ته چیرته چې دوی ځورول کیږي ممکن د متحده ایالاتو حکومت لپاره د دوی د قانوني دایمي اقامې د پای ته رسولو لپاره اساس وګڼل شي. بل ځای ته د سفر کولو لپاره، قانوني دایمي اوسیدونکي (د پناه غوښتنې د وضعیت پر بنسټ) کیدائ شي د کډوالۍ د سفر سند فورم (I-131) لپاره غوښتنه وکړي. دوی باید یوازې د خپل ګرین کارت او د کډوالۍ سند سره سفر وکړي. دوی باید د خپل هیواد چیرته چې دوی ځورول کیږي د اسنادو په کارولو سره سفر ونه کړي. سره له دې، پدې اړه ځینی قواعد شته چې تاسو څنګه کولی شئ د خپل ګرین کارت سره سفر وکړئ:
که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ. |
|
| د ایستلو مخنیوی یا د شکنجې او ځورونی په وړاندی حفاظتی تړون (CAT) | د ایستلو مخنیوی او د شکنجې او ځورونی په وړاندی د حفاظتی تړون (CAT) ناڅرګند غوښتنلیک |
خپل اصلي هیواد ته سفر مه کوئ. عموماً، بل ځای ته د سفر کولو لپاره، د ایستلو مخنیوی او د شکنجې په وړاندی د حفاظتی تړون(CAT) غوښتونکی باید د سفر سند لپاره غوښتنه وکړي اډوانس پارول*؛ فورمه (I-131) او د وتلو څخه مخکې اډوانس پرول ترلاسه کړي که نه نو د هغه شخص غوښتنلیک به پریښودل شوي وګڼل شي. که تاسو د پناه غوښتنې وړ نه یاست او یوازې د ایستلو مخنیوی او د شکنجې په وړاندی د حفاظتی تړون(CAT) وړ یاست، تاسو باید د متحده ایالاتو څخه بهر سفر ونه کړئ. سربیره پردې ، د د خذف کولو په پروسه کې غوښتونکي نشي کولئ سفر وکړي.که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ. |
| د ایستلو مخنیوی او د شکنجې او ځورونی په وړاندی د حفاظتی تړون (CAT) تایید شوی غوښتنلیک | د متحده ایالاتو څخه بهر د ایستلو مخنیوی او د شکنجې په وړاندی د حفاظتی تړون(CAT) تصویب شوي غوښتنلیک لرونکي د سفر کولو حق نشته. که تاسو متحده ایالاتو څخه ووځی ، تاسو ته به د دې ډول محفاظت پر بنسټ د بیرته راستنیدو اجازه درنکړل شي. که تاسو پدې اړه پوښتنې لرئ چې سفر څنګه ستاسو د اوسني یا راتلونکي کډوالۍ په وضعیت اغیزه کولی شي، د مهاجرت یو وکیل سره مشوره وکړئ. |
* اډوانس (مخکي تر مخکي) پرول: د متحده ایالاتو د تابعیت او کډوالۍ د خدماتو ادارې (USCIS) ویب پاڼه داسې تعریفوي :
«اډوانس پرول تاسو ته اجازه درکوي چې د ویزې دغوښتنې پرته بیرته متحده ایالاتو ته سفر وکړئ. یو ترانسپورتي شرکت (هوایی شرکتونه) کولی شي د ویزې پر ځای اډوانس پرول سند د ثبوت په توګه ومني چې تاسو متحده ایالاتو ته د سفر کولو قانوني اجازه لرئ. د اډوانس پرول سند ستاسو د پاسپورت ځای نه نیسي.
لطفا په یاد ولرئ چې د اډوانس پرول اسناد درلودل دا تضمین نه کوي چې تاسو به متحده ایالاتو ته بیا داخلید اجازه ولری. په هوايي ډګر او یا هم پوله یا سرحد باندي، د متحده ایالاتو د ګمرکاتو او دسرحدي خوندیتوب ادارې (CBP) مامور به دا وروستۍ پرېکړه کوي چې آایا تاسو ته متحده ایلاتو ته د داخلیدو اجازه درکړل شي او که نه.